Durim Bami me antiplumb përballë deputetit: Atentati, sajesë e Doshit

Durim Bami rrëzon akuzat e Tom Doshit se ndaj tij ishte porositur një vrasje me pagesë.

Deklarata bombë ka ardhur pas më shume se 2 orësh, ku mes tij dhe Tom Doshit është zhvilluar një seancë e gjatë ballafaqimi.Nga prokurorë të çështjes konfirmohet edhe fakti se gjatë 9 orëve qëndrimi në gjykatë, Durim Bami, vrasësi i penduar, i vetmi i vënë në akuzë për vrasje të mbetur në tentativë është detyruar të mbajë veshur një jelek antiplumb.

Ata u paraqiten në Prokurorinë e Krimeve të Rënda rreth ores 09:00, ndërsa ambjentet e gjykatës për 2 orë janë rrethuar nga trupa speciale, duke mbajtur në survejim ambjentet e jashtme nën masa të rrepta sigurie.Përballe njëri-tjetrit ata kane dhene deklarimet e tyre në prani të prokurorëve të çëshjtes. Rreth orës 11:40 min, Tom Doshi ka dalë nga Prokuroria. Ai nuk pranoi të japë asnjë deklaratë për mediat.Mësohet se gjatë kësaj seance, Doshi i ka qëndruar pretendimeve të tij, se ka patur një komplot për eleminimin e tij.Sipas tij, Bami kishte marrë urdhër për të bërë një atentat ndaj tij dhe ndaj deputetit demokrat Mhill Fufi.Për Tom Doshin ky është ballafaqimi i dytë, pas atij që ka bërë me deputetin Mark Frroku.Dëshmia e parë e Durim Bamit ka qenë në datën 3 mars, një ditë pas shoqërimit të tij nga policia si person i përfshirë në këtë atentat.Pas seancës së masës së arrestit, avokati i Durim Bamit deklaroi se klienti i tij do të flasë në një fazë tjetër të hetimit.

Në cilësinë e provës pritet të merren tabulatet telefonike të personave të përfshirë si dhe pamjet e kamerave të sigurisë që do të vërtetojnë takimet mes Doshit, Bamit dhe Skënderit.