Durrës/17 të arrestuar dhe mbi 30 inxhinierë, ndërtues dhe zyrtarë të shoqëruar

Pas tërmetit tragjik të 26 nëntorit që la 51 viktima dhe mijëra banesa të rrënuara, Policia e Durrësit ka nisur valën e arrestimeve, pasi në këtë qytet humbjet në jetë dhe në banesa është e madhe. Mësohet se deri më tani policia ka shoqëruar 30 persona, të cilët dyshohet se kanë legalizuar duke shkelur rregullat disa ndërtesa në këtë qytet, të cilët u shemben më pas nga tërmeti.

Nga ana tjetër, janë firmosur 17 urdhër arreste për persona të dyshuar se me veprimet ose mosveprimet e tyre kanë ndikuar në rritjen e numrit të të vdekurve nga tërmeti i 26 nëntorit. Prokuroria dyshon se një pjesë e personave për të cilët kanë lëshuar urdhër arresti kanë legalizuar në kundërshtim me ligjin disa godina, të cilat u shemben më pas. Në listën e personave për të cilët ka urdhër arresti janë drejtues dhe punonjës të Kadastrës së qytetit.

Një pjesë tjetër e grupit të personave për të cilët ka urdhër arresti janë inxhinierë dhe punonjës teknik që kanë shkelur rregullat e sigurimit teknik duke shpallur si të banueshme godina të dëmtuara nga tërmeti i 21 shtatorit, të cilat u dhemben më pas.

Mes të shoqëruarëve që u morën në pyetje janë edhe Ahmet Doda dhe Ahmet Hasa, drejtori nëndrejtori i Konvaleshencës së Durrësit. Drejtori Ahmet Doda dhe nëndrejtori Kujtim Hasa, janë marrë në pyetje lidhje me vdekjen e Hajdarmatajt pasi objekti ishte shpallur i pabanueshëm pas tërmetit të 21 shtatorit, por ata nuk kishin marrë masat që askush të mos futej më në të.