Dyshime për tenderat, Kryebashkiaku i Gramshit thirret në prokurori

Kryetari i Bashkisë së Gramshit, Klodian Taçe, ka qenë këtë të premte për tre orë në Prokurori.

Prokuroria nuk ka dhënë detaje mbi motivet e thirrjes së kryebashkiakut të PS. Ndërkohë që burime thonë se bëhet fjalë për shpërdorim detyre.

Mësohet se bashkë me Klodian Taçen janë thërritur për të dëshmuar edhe disa persona të tjerë. Sipas informacioneve paraprake, objekt i hetimit ka qenë zhvillimi i tenderave dhe dyshimet për abuzimet me to.