“E kemi lakun në fyt”, Basha takime me qytetarët në Tiranë: Biznesi i vogël në qendër të prioriteteve tona

Kreu i Partisë Demokratike, Lulzim Basha ka zhvilluar disa takime me qytetarët e bizneset në Njësinë Nr.2 në Tiranë.

Në fjalën e tij, Basha ka thënë se kur të vijë në qeveri, biznesi i vogël do të jetë në qendër të vëmendjes. Basha, më tej ka thënë se do bëjë gjithçka për t’i ndihmuar qytetarët

Pjesë nga biseda

Lulzim Basha: Më mirë do të jemi. Më 25 prill do të bëhemi të gjithë bashkë. Fitore të përbashkët.

Qyetari: Jemi krenar që kemi një lider të tillë.

Lulzim Basha: Do ju shërbej nga mëngjesi në darkë.

Qyetari: Të njoh që të vogël. Me numër 58 je regjistruar për herë të parë në PD.

Lulzim Basha: Nxirrni gjithë komshinjtë, miqtë e familjarët. Do jemi të gjithë bashkë si një familje. Siç po vjen kjo pranverë do të vijë dhe fitorja. Era e ndryshimit po fryn kyudo. Biznesi i vogël në qendër të prioriteteve tona.

Qyetarja: Merre njëherë në dorë këtë vend

Qyetari: Shyqyr o vllai, se vetëm komunista na kanë ardhur. E kemi lakun në fyt. Votën e ke marrë gjithmonë, të shohim zgjidhjen. Mos ngelet tek fjalët.

Lulzim Basha: Ne vijmë me plane, me ekspertë. Do bëjmë gjithçka për t’ju ndihmuar. Vështirësitë kryesore jua dimë. çmimi i energjisë në stratosferë. Nafta po. Kur të ndihmojmë sipërmarrësin do ju ndihmojmë dhe ju të punësuarit.

Qyetari: Me Edi Ramën i kemi të gjitha të zezat.

Lulzim Basha: Ai do humbë, Shqipëria do të fitojë. Më 25 prill do ja shohim hajrin. Po vjen pranvera, mos harroni numrin 9, për ndryshimin për gjithë Shqipërinë.

Duke i falënderuar për mbështetjen, Basha ka kërkuar votë masive për numrin 9, për t’i dhënë jetë ndryshimit.

Lulzim Basha: Mirë se ju gjej!
Qytetari: Mirë se erdhe!
Lulzim Basha: Si jeni? Jeni mirë?
Qytetari: Mirë!
Lulzim Basha: Do jemi shumë më mirë! Të jemi të gjithë bashkë më 25.
Qytetari: Na ke dhënë shumë energji!
Lulzim Basha: Faleminderit shumë!

Duke e cilësuar si kryeministër europian, kishte edhe nga ata qytetarë të cilët janë kthyer nga emigracioni për ta mbështetur Bashën në zgjedhje. Për këtë, kreu i opozitës u zotua se qeveria e ardhshme do të bëjë realitet votën e emigrantëve.

Lulzim Basha: Mirë se ju gjej!
Qytetari: Nga Gjermania apostafat me bë ndryshimin.
Lulzim Basha: Të lumtë goja! Kur ke ardhur?
Qytetari: Ka 3 ditë.
Lulzim Basha: Shumë mirë! Sa më shumë të kthehen, se kësaj radhe e bën me hile e pamundësuan votën e emigrantëve. Dhe unë sot po të them ty dhe çdo emigranti shqiptarë, qeveria jonë do bëjë realitet. Me votimin elektronik, çdo shqiptarë do mund të votojë, përfshirë të gjithë shqiptarët e diasporës. Të gjithë bashkë më 25, numrin 9.

Qytetari: Lulzim Basha me fitore!
Lulzim Basha: Faleminderit të lumtë goja!
Qytetari: Kryeministrin europian për të cilin ka nevojë Shqipëria!
Lulzim Basha: Të falënderoj nga zemra! Në shërbim të çdo shqiptari.

Lideri i opozitës bisedoi dhe me biznese dhe qytetarë që shprehën shqetësimet e tyre sa i përket problemeve me taksat dhe pronat. Ai gjithashtu u zotua se biznesi i vogël dhe rregullimi i problemit të pronave janë dy prioritetet e para të qeverisë së ardhshme.

Qytetari: Kemi një kërkesë, ndarjen e biznesit me shërbimet. Zanatçinjtë shesin dhe blejnë. Ne shesim dhe blejmë djersën.
Lulzim Basha: Të gjithë ju që shisni shërbimin me djersën e ballit tuaj, por edhe i gjithë biznesi i vogël, të vetëpunësuar, apo çdo lloj biznesi i vogël, jeni shtyllë e programit tonë ekonomik për një arsye të vetme. Jeni shtylla kurrizore e ekonomisë. Kështu që e vetmja gjë që ka mbetur, votojeni atë plan, votoni ndryshimin më 25, votoni numrin 9 do fitoni ju dhe familjet tuaja.
Qytetari: Rrofsh, i nderuar!
Lulzim Basha: Faleminderit!

Qytetari: Je i nderuar!
Lulzim Basha: Faleminderit!
Qytetari: Vetëm diçka, mbroni pronën e tiranasve. Jam tiranas dem baba dem. Ke ardhur tek cirku, aty është bërë një pisllëk i madh për shkak të Edi Ramës, ju lutem shumë ta hapni atë, se aty është një pjellë e krimit.
Lulzim Basha: Jemi zotuar me shkrim dhe me plan që pronarëve t’u japim atë që 30 vite u kanë mohuar padrejtësisht, duke marrë përsipër edhe peshën tonë të fajit për ato që s’janë bërë në të kaluarën.