Iris Luarasi në Top Channel: Elona Guri në Durrës një emër që di të organizojë fushata elektorale, ndaj Rama të ketë kujdes me Elonën e LSI

Në emisionin “Open” në Top Channel u fol për betejën elektorale në 12 qarqe. Të ftuar në studio ishin Plarent Ndreca, Iris Luarasi, Enton Abilekaj dhe Agron Gjekmarkaj.

Teksa po flitej për zonën e Durrësit, pedagogia Iris Luarasi e cila është e ashpër dhe kritike me të gjithë u shpreh se një emër që nuk duhet nënvlerësuar është Elona Guri e cila është drejtuese politike e LSI-së në Durrës.

Elona Guri njihet si organizatore e fortë elektorale dhe e pamëshirshme ndaj kryeministrit Rama.

Luarasi: Nuk duhet neglizhuar Elona Guri, është një emër që di të organizojë fushata të suksesshme.

Emri i Gurit është përmendur edhe në videon e famshme që Edi Rama bërëi sëbashku me Lefter Kokën ku ftonte Nasip Naccon që t’i bashkohej Partisë Socialiste.

Kjo përmendje e saj në video nuk do lihet pa komentuar edhe nga kryetarja e LSI-së, Monika Kryemadhi e cila do të shprehej:

“Po ta shikosh për sa i përket përfitimit, është partia e Lefterit dhe Nasipit, njerëz që vijnë nga hiçi politik dhe pastaj bëhen ministra, pastaj ikin në muajt e fundit nga LSI te PS-ja sepse ka vendosur LSI-ja t’i zëvendësojë me Elona Gurin. Ky ishte pretendimi i zotit Koka…E para mos e përmendni emrin e Elona Gurit në narrativë, sikur Elona Guri është një njeri i thjeshtë. Elona Guri është nënë e dy fëmijëve, është me shkollë të lartë. Ka kapacitet organizativ. Për mua duhet të ishte në Parlament shumë kohë më parë…Unë po t’i futem pazareve të atyre që duan të merren me politikë, Gjykata e Hagës nuk do të kishte më vend për këta kundër krimeve të njerëzimit. Ajo që dua të theksoj është që me delegimin e zonjës Guri në Durrës, LSI-ja vetëm 3 javët e para të shtatorit, nga një strukturë që më parë drejtohej nga zotëria, vajti 26%. Dhe faktikisht ditën që u diplomua zonja Guri, zoti Rama doli dhe përgënjeshtroi mesazhin e tij, që unë nuk do të kandidoj në Durrës, por në Vlorë. Ditën që Elona Guri është bërë koordinatore politike e qarkut të Durrësit, Edi Rama ka thënë nuk kandidoj në Durrës. Ajo është grua dinamit. Është e vërtetë dhe reale, verifikojeni. Shikojeni intervistën në gusht të Edi Ramës”..

Qarku Durrësit do të njohë rezultat fantastik për LSI duke dyfishuar shifrat e vitit 2017, tani që është pastruar edhe nga disa që ikën te PS-ja, pasi firmosën inceneratorët. Nga frika e arrestimit shkuan te Rama, por pas 25 prillit do shkojnë me Ramën para SPAK-ut. LSI-ja në Durrës do jetë surpriza elektorale, bashkë me Tiranën, ku mund të marrin aqsa merr PD dhe PS në kryeqytet.