Edi Rama hap thesin e lekëve sot në pikë të mëngjesit!

Politikë E Shtunë, 31 Dhjetor 2022 08:57

Edi Rama nuk po ndalon te thesi i lekëve. Pasi ka postuar dje gjithë ditën lekë, prapë e nisi ditën e fundit të vitit 2022 me “hapje thesi”.

Ja se çfarë shkruan Edi Rama sot në pikë të mëngjesit:

“MIRËMËNGJES

dhe me kënaqësinë që 12.280 punonjës të administratës me pagë nën 60 mijë lekë bruto, duke nisur nga sanitaret, punëtorët e shërbimeve mbështetëse, shoferët, nëpunësit e shkallëve më të ulëta, do të përfitojnë nga vendimi i qeverisë për Pakon e Madhe një vlerë 20 000 Lekë (të reja), ju uroj të gjithëve të dashur miq gojëmbël e gojëthartë një ditë të fundit të vitit të paqme pranë familjeve tuaja”.

Kryeministri është treguar i kujdesshëm te administrata. Ka shpërblyer vetëm ata me pagë mujore nën 60 mijë lekë pagë bruto. Me shumë djallëzi ai e ka bërë këtë te administrata që të mos ketë gojë opozita ta sulmojë se po jep lekë administratës së lartë.