Edi Rama: Me rreth 10000 nxënës pjesë e 700 skuadrave, lëvizja sportive në Shqipëri ka marrë një tjetër jetë

Aktualitet Politikë E Mërkurë, 12 Prill 2023 20:45

“DURRËS – Me një finale pasionante në disiplinën e volejbollit, të rejat e të rinjtë e shkollave të mesme të qarkut të Durrësit mbyllën kapitullin e parë të historisë së re të Sportit në Shkollë

Ndeshja e skuadrave të vajzave u zhvillua mes shkollave “Leonik Tomeo” të Durrësit – “16 Shtatori” të Shijakut, ndërsa ajo për djem u zhvillua midis “Olsi Lasku” të Durrësit – “16 Shtatori” të Shijakut, me fitoren e shkollës “16 Shtatori” për vajza dhe për djem.

Me rreth 10000 nxënës pjesë e 700 skuadrave, lëvizja sportive në Shqipëri ka marrë një tjetër jetë duke ndikuar pozitivisht dhe në jetën e secilit prej nesh”- shkruan Edi Rama.