Edmond Spaho përgëzon Erion Veliajn: Ka përmirësim të dukshëm në pastrimin e Tiranës

Ndodhi edhe kjo, PD-ja lavdëron kryebashkiakun e Tiranës.

Deputeti i Partisë Demokratike, Edmond Spaho ka vlerësuar punën e kryebashkiakut Erion Veliajt për pastrimin e qytetit të Tiranës.

Gjatë seancës dëgjimore për “Buxhetin e vitit 2022” në Komisionin për Ekonominë dhe Financat, Spaho u shpreh se pastrimi në Tiranë ka një përmirësim të dukshëm krahasuar me 6 vjet më parë, duke ironizuar në këtë mënyrë Lulzim Bashën, i cili e drejtoi Bashkinë e Tiranës për 4 vite.

“Paraprakisht, duhet të them që ka një përmirësim pastrimi i qytetit të Tiranës, është i dukshëm, megjithatë desha të dija a do investojnë kompanitë e pastrimit në teknologji?”, tha Spaho.

Në fakt kryebashkiaku Veliaj ka folur dje dhe tha se do ta mundë opozitën në çdo palë zgjedhje vendore në Tiranë.