Efektivi 25-vjeçar një hero, Rama: Respekt për Redin Çaushaj. U plagos duke shmangur më të keqen

Kryeministri Edi Rama ka vlerësuar këtë të enjte aktin që bëri efektivi i Policisë së Shtetit, Redin Çaushaj, i cili ndërhyri jashtë shërbimit për shmangien e sherri të dhunshëm, por që mbeti i plagosur rëndë.

“Respekt për Redin Çaushajn, të riun e Policisë së Shtetit që u plagos duke ndërhyrë dhe shmangur më të keqen mes dy individëve në një sherr të rrezikshëm”, shkruan Rama në rrjetet sociale.

Efektivi i policisë së Vlorës, ndërhyri për të shuar një sherr në zonën e Himarës, por u godit me thikë nga Theodhoi Mërkuri, i cili u arrestua nga policia. Ai ndodhet në Spitalin Rajonal të Vlorës, jashtë rrezikut për jetën.