Erion Braçe: 7 tetori, një trajektore dhune e krimi, terrori, nga Izraeli në Tiranë
Nga Erion Braçe
7 tetori, një trajektore dhune e krimi, terrori, nga Izraeli në Tiranë; dy ngjarje në një, i bashkon klima permanente e terrorit! Një vit me parë, Irani dhe krahët e tij fashiste, Hamas, Hesbullah, Huthi, grupet ushtarake të terrorit që e mbajnë prej një jete, në mënyrë të alternuar, nën një klimë terrori, sulmuan Izraelin, hynë në territorin e tij, depërtuan në vendbanime dhe në një festival ku djem e vajza gëzonin me muzikën, masakruan 1200 ndër ta dhe rrëmbyen 250 të tjerë; mes të masakruarve fëmijë e gra! E gjitha erdhi pas sulmeve kohë pas kohe, te vijueshme, që e mbajnë Izraelin në një klime permanente terrori, frike prej tij! Nga 7 tetori ka luftë, ajo që e ka bërë dramatike, tmerrësisht të dhimbshme gjithçka; mijëra të vdekur mes popullit në Palestinë, edhe aty gra e fëmijë. Një popull i dytë i marrë peng, mburojë njerëzore nga i njëjti terror!
Sot, në Tiranë një parti ka bërë thirrje të hapur për dhunë; nuk e di e sata herë është ne 34 vite, e kam humbur numërimin, që kjo parti dhe politikani i përjetshëm bën këtë; por di fare mirë se prej tij dhe milicisë fashiste që mobilizon lehtësisht. Ky vend është nën një klimë permanente terrori! Për sot kanë thënë se do i bëjnë te gjitha, nga thyerja e xhamave te vënia e zjarrit këtij qyteti, edhe kjo e përsëritur; dhe të gjitha i lajmëron ky, pas një kamere, njësoj si udhëheqësit e terrorit e bëjnë këtë në ato videot e tyre thuajse të njëjta! A kanë lidhje dy ngjarjet? Në 30 vite kam mësuar se ky, për pasojë partia e tij, nuk ka asgjë spontane, aksidentale, kurrë; e ka te menduar dhe gjithnjë asocion aksionet e tij më të ngjashëm kudo. I bashkon klima permanente e terrorit! Njerëzit që e kanë refuzuar këtë politike, nuk i bashkohen kësaj politike, janë indiferente apo kundërshtues ndaj saj, duhet të jetojnë në terror! Ata janë viktimat, ata pesojnë në çdo kohë, në çdo rast!
