Erion Braçe krah fermerëve, del në protestë kundër qeverisë: Ata janë zhytur në faliment

Ish-zv/kryeministri Erion Braçe, është zëri më opozitar në qeveri dhe në PS.

Këtë të mërkurë, fermerët e Çermës kanë dalë në protestë, dhe krah tyre është edhe deputeti i Partisë Socialiste, Erion Braçe. Në një prononcim për mediat, Braçe thotë se çmimi i grurit ka rënë aq shumë saqë fermerët janë zhytur në faliment.

“Nga Velipoja deri poshtë në Ksamil, çfarë do të hanë njerëzit. Sepse i kemi thirrur njerëzit, u themi turistëve që të vijnë, por çfarë do të hanë. Nëse falimenton kjo ekonomi bujqësore, ka falimentuar ekonomia e të gjithë vendit. Ai shkon në emigracion dhe merr më shumë lekë”.

Por në protestë fermerët e fshatit Çermë e Poshtme në Lushnje, dolën pasi kanë kultivuar rreth 100 hektarë me shalqi dhe prodhimi ka mbetur në fusha. Braçe po ashtu tha Ministria e Financave dhe ajo e Bujqësisë nuk kryejnë kontrolle në Divjakë e Lushnje ku grumbulluesit punojnë pa fatura. ”Shteti duhet të ndërtojë magazina dhe frigoriferë publik. Kështu fermeri çon mallin atje kur ka çmim të lartë”.