Erion Braçe kritika qeverisë: Ndajeni mendjen, me tregtarët ose me fshatarët!

Deputeti i Partisë Socialiste Erion Braçe foli nga foltorja e parlamentit në lidhje me rritjen e çmimeve në vend.

Braçe theksoi se ka maxhoranca socialiste ka dështuar gjatë këtyre 9 viteve që të heqë barrierat e vendosura nga Partia Demokratike dhe të bëjë hapjen e tregjeve, duke i lënë shumë sektorë të ekonomisë në duart e dy ose tre kompanive.

“Në përfundim dua t’ju them dy gjëra. E para, tregjet kryesore te ne janë këneta, nuk ndryshon asgjë në to. Tregu i naftës në kohën tuaj kishte 5 operatorë, ka sot 4 operatorë. Njëri iku, ishte ai që ishte i lidhur me ARMON, endet nëpër botë e kërkojnë të gjithë për të arrestuar, se kapin dot. Tregjet e tjera janë në të tilla kategori, 4 ishin, 4 janë, 3 ishin, 3 janë, madje janë me të njëjtat emra.

Ne nuk ia dolëm dot të hiqnim barrierat e vendosura gjatë qeverisjes demokratike, e të krijonim mundësi për hyrje të reja në tregje dhe konkurrencë efektive. E dyta duhet ndarë mendja ose me tregtarët ose me fshatarët”, tha Braçe.