Erion Braçe kritika qeverisë për projekt-buxhetin e 2023: Troç, duhet punë!

Deputeti i PS-së, Erion Braçe, nuk i ka kursyer kritikat drejtuar qeverisë ditën e sotme në Kuvend lidhur me buxhetin për vitin e ardhshëm.

“Nuk dua të harroj që GDP-ja nuk mjafton, duhet rishpërndarja e të ardhurave. Një mjedis i degraduar nga rënia e GDP-së dhe rënia në ndërtim, ul mirëqenien. Duhet zbatimi i buxhetit që miratojmë sot, troç duhet punë. Jam i shqetësuar për menaxhimin e buxhetit vitin e shkuar. Kjo vjen edhe prej mosrealizmit të shpenzimeve, këto janë shkurtime dhe unë jam kundër. Cilado njësi që dështon duhet marrë përgjegjësi, përfshirë përgjegjësitë publike“, tha Braçe në Kuvend.