Erion Veliaj takon kongresmenët amerikanë: I lumtur që ndihmuam miqtë tanë afganë që në ditët e para

Kryetari i Bashkisë së Tiranës, Erion Veliaj, zhvilloi një takim të veçantë me anëtarët e delegacionit të lartë të Kongresit amerikan.

Përmes një postimi në Twitter, Veliaj shkruan se është i lumtur që administrata e qytetit u erdhi në ndihmë miqve afganë që në ditët e para të mbërritjes së tyre në Tiranë.

“Kënaqësi të takoja përfaqësuesit e delegacionit të Kongresit Amerikan, Elissa Slotkin, David Valadao dhe Jake LaTurner, që vizituan dje Bashkinë e Tiranës. I lumtur që administrata e qytetit tonë u erdhi në ndihmë miqve tanë afganë, që në ditët e para të mbërritjes së tyre në Tiranë. Është më e pakta që mund bënim, dikur ne ishim si ata”, shkruan Veliaj.

Delegacioni i lartë shoqërohej në këtë takim nga zv. Ambasadori amerikan, Demian Smith.

Loved meeting bipartisan 🇺🇸 representatives @RepSlotkin, @RepDavidValadao and @RepLaTurner visiting @CityOfTirana yesterday!

Glad our city admin. was of help in the early transition days of our afghan friends’ arrival to Albania. It’s the least we could do, we were them once! 🇦🇱 pic.twitter.com/8uifMbjsVo

— Erion Veliaj #EYC2022 🇪🇺🇦🇱 (@erionveliaj) November 9, 2021