Ermir Gjinishi sfidon Karlo Bollinon: Mos shpif si Rama. Më trego një dokument për akuzat që lëshon ndaj meje?

Politikë E Premte, 12 Mars 2021 12:25

Ermir Gjinishi, kandidat i LSI-së në Elbasan ka reaguar ndaj akuzave që gazetari Karlo Bollino ka bërë në adresë të tij. Bolino është shprehur se Gjinishi është një person i arrestuar më parë.

Në një reagim në Facebook, Gjinishi shprehet se Bolino duhet të tregojë një dokument se ku i bazon akuzat e tij. “E sfidoj publikisht këtë shpifës të ulët, të publikojë çdo dokument zyrtar brenda apo jashtë vendit që vërteton nëse unë kam qenë ndonjëherë i arrestuar diku”,- shprehet Gjinishi.

Reagimi i plotë i Ermir Gjinishit në Facebook:

Paragjykimet dhe shpifjet janë ato që budallenjtë përdorin për arsye – thotë Volteri.

Më thanë se Bolino, hjeksi publik i Ramës, më paska lakuar emrin te emisioni i Eni Vasilit.
Shpifës dhe intrigant i ulët.

Unë nuk kam qenë asnjëherë i arrestuar apo i akuzuar nga asnjë shtet në botë, aq më tepër nga SHBA.

Ndoshta hjeksi i qeverisë më të korruptuar të cilësuar pikërisht nga SHBA, për shkak të njohjes së dobët të gjuhës shqipe, nuk ka arritur ta kuptojë siç duhet librin “Rreziku anglo-amerikan për Shqipërinë”. Lexoje që të iluminohesh Bolino.

E sfidoj publikisht këtë shpifës të ulët, të publikojë çdo dokument zyrtar brenda apo jashtë vendit që vërteton nëse unë kam qenë ndonjëherë i arrestuar diku.

Karlo! E kuptoj nervozizmin tënd. Shqipëria nuk mund të vazhdojë të jetë ishulli i pastrimit të parave të klanit Santapaolo të Catanias në Sicili apo Ciancio Sanfilipos.
Prandaj 25 prilli jua ka prishur qetësinë.

Lista e kandidatëve të LSI, Qarku ELBASAN

1.MONIKA KRYEMADHI

2.ALTIN TOSKA

3.ERMIR GJINISHI

4.VLADIMIR MUKA

5.SOKOL SKURA

6.MIRANDA RIRA

7.MIMOZA TRIMI

8.KLAUDIA KRASNIKA

9.DYLBER DERVISHI

10.SINDI LALOSHI

11.ARTUR TOPI