Escobar në Tiranë, Ristani: Një vizitë rutinë dhe jo mbështetje për Bashën

Ish-sekretari i Përgjithshëm i PD-së, Arben Ristani i pyetur për vizitën e zyrtarit të lartë amerikan në Tiranë, Gabriel Escobar, thotë se nuk e ka parë si një mbështetje ndaj kreut të PD Lulzim Basha, por si një diçka rutinë.

“Është ditur që zotëria ka pasur një tur ballkanik, e midis tyre dhe Shqipërinë. Është një vizitë që është zhvilluar në normalitetin e vet. Mesazhet për konsolidimin e NATO-s, luftën kundër korrupsionit nuk janë të reja. Pse mendon se ishte mbështetje për Bashën, një takim rutinë, Basha ka takuar dhe Trumpin”, tha Ristani në ”Open”.