Escobar: SHBA përkrah nismën ”Open Balkan”, por fokusi në BE

I dërguari i posaçëm i Shteteve të Bashkuara të Amerikës për Ballkanin Perëndimor, Gabriel Escobar, konfirmoi mbështetjen për nismën rajonale ”Open Balkan”.

Escobar po ashtu kërkoi sërish përfshirjen e të gjitha vendeve të rajonit dhe integrimin e tyre për në Bashkimin Europian.

“Përkrahim të gjitha tregjet, Ballkani i Hapur përderisa është i fokusuar në integrimin Europian, do të jetë i hapur për të gjitha vendet. 70 për qind e ekonomisë së Ballkanit është e lidhur me Europën, ndërsa pjesa tjetër është po ashtu e lidhur me rajonin. Këto dy procese duhet të marrin pjesë në të njëjtën kornizë”.