Fati i PD-së, Apeli vendimin për vulën do ta japë më 3 mars

Një ditë para protestës, Gjykata e Apelit ka vendosë të marrë në shqyrtim çështjen më të nxehtë të momentit, atë të ”luftës” mes dy grupeve në PD.

Gjykata e Apelit bën me dije se më 3 mars do të shqyrtohet çështja për të caktuar se kujt i përket partia më e madhe opozitare në vend, Sali Berishës apo Enkelejd Alibeajt.

“Në vijim të komunikimit, duke marrë parasysh intersimin e mediave si dhe të opinionit publik, Gjykata e Apelit të Juridiksionit të Përgjithshëm, ju informon se: Ankimi i Partisë Demokratike, ndaj vendimit nr. 3 datë 25.03.2022 (Gjyqtar Agron Zhukri) të Gjykatës së Rrethit Gjyqësor Tiranë, është planifikuar për tu gjykuar me datë 03.03.2023, ora 11:00, trupi gjykues përbëhet nga Relatore Gjyqtare Elona Mihali, anëtar Irida Kacerja dhe Astrit Kalaja”, thuhet në njoftim.