Festa e Kurban Bajramit, urimi nga Presidenti Meta: Sa më shumë paqe dhe begati

Nesër besimtarët myslimanë në mbarë botën kremtojnë festën e Kurban Bajramit. Me këtë rast, Presidenti Ilir Meta ka uruar besimtarët myslimanë shqiptarë, me urimet për paqe dhe begati. ”Të mos harrojmë mesazhin e kësaj feste të shenjtë se sakrifica, durimi dhe dhembshuria njerëzore, sinqeriteti dhe devotshmëria janë ndër veprat më të pëlqyeshme të Zotit”.

Postimi i plotë

‘“Tek Zoti nuk arrin as mishi dhe as gjaku i kurbanëve Tuaj, por tek Ai arrin devotshmëria dhe përkushtimi Juaj”.  Kuran.

Gëzuar Kurban Bajramin për të gjithë besimtarët myslimanë dhe mbarë popullin shqiptar! Me urimin e përzemërt për sa më shumë paqe, begati, solidaritet dhe mirësi në familjet Tuaja, të mos harrojmë mesazhin e kësaj feste të shenjtë se sakrifica, durimi dhe dhembshuria njerëzore, sinqeriteti dhe devotshmëria janë ndër veprat më të pëlqyeshme të Zotit. Adhurim dhe lutje të pranuara”.