FIFA falënderon Ramën për evakuimin e sportistëve nga Afganistani

FIFA ka falenderuar një sërë personalitetesh nga bota për evakuimin nga Afganistani të një grupi të dytë refugjatësh të lidhur me futbollin dhe basketbollin e grave. Mes emrave që kanë kontribuar në këtë mision, kreu i FIFA ka përmendur edhe kryeministrin shqiptar Edi Rama.

“Ne do të dëshironim të shprehnim falënderimet më të sinqerta për Emirin e Katarit, Sheik Tamim bin Hamad Al Thani, si dhe kryeministrin e Shqipërisë, Edi Rama, që na ndihmuan me misionin humanitar dhe për asistencën e tyre në zhvendosjen në siguri të këtyre pjesëtarëve të komuniteti të futbollit në situatat më të vështira. FIFA do të vazhdojë të punojë për evakuimin e anëtarëve të tjerë të familjes së sportit”.

Një total prej 57 individësh, kryesisht gra dhe fëmijë, u ulën të sigurt në Doha të mërkurën me një fluturim çarter të Qatar Airways.