Flamur Noka: Në 4 dhjetor PD ka gati kandidatët, më herët 3 bashkitë e mëdha

Në një kohë që grupet në selinë blu po shkojnë drejt bashkimit, sekretari i Përgjithshëm i PD-së, Flamur Noka thotë se partia do të ketë më shumë se 5 muaj para zgjedhjeve lokale, kandidatët e saj.

“Më 4 dhjetor shqiptarët do të kenë publike të gjithë personalitetet e Partisë Demokratike dhe opozitës shqiptare që do t’iu japin shpresën e fitores në zgjedhjet e ardhshme vendore”, tha Noka për ABC.

Përpara 4 dhjetorit, PD-ja synon të ketë kandidat në tre bashkitë e mëdha. ”Do të bëjmë gjitha përpjekjet që Tirana, Durrësi dhe Elbasani, të mund të ecin më shpejt për të përfunduar këtë proces”.