Flutura Açka: Kam kërkuar të dal nga grupi, por të nesërmen e pashë veten anëtare të një komisioni

Deputetja Flutura Açka ka hedhur akuza në drejtim të kolegëve të saj se është emëruar pa dëshirën e saj si anëtare në komisionin e Edukimit. Açka tha se ajo ka bërë kërkesë për të dalë nga grupi i PD-së dhe vendos vet.

“Ju kam nisur një shkresë ku kërkoj të zhbëni një vendim që ka marrë ky komision. Më 25 korrik, kryetarja e parlamentit ka lexuar një shkresë timen ku kërkoj të dal nga grupi parlamentar i PD. Të nesërmen, unë jam emëruar pa u pyetur fare anëtare e komisionit parlamentar për Edukimin. As nuk jam njoftuar dhe të nesërmen e gjen veten në një vendim të parlamentit ku emërohem anëtare e komisionit. Me një shkujdesje, keni harruar integritetin e deputetit. Merrni masa urgjente, unë nuk mund të emërohem, do të vendos unë”, tha Açka.