“Fol dhe shkruaj shkurt”

Nga Ilir Ikonomi

Andrew Roberts është historian anglez, autor i biografisë tashmë të njohur për Winston Churchillin dhe i një tjetër libri po aq të lexuar për Napoleon Bonapartin. Të dy janë në listat e librave më të shitur në Amerikë.

Dje në Panairin Kombëtar të Librit në Uashington ai tha shumë gjëra me vlerë. Tregoi se kur e pyetën Churchillin se cili është sekreti që fjalimet e tij kanë aq shumë sukses, ky u përgjigj:

-Fjalitë të jenë sa më të shkurtra.
-Çdo frazë të përmbajë një mendim të vetëm.
-Fjalët të jenë sa më të kuptueshme për publikun.