”Foltorja” në Sarandë/ Berisha: Rama gaboi rëndë, do të çmontojmë narkoshtetin shqiptar

Këtë të premte ”Foltorja” është ndalur në Sarandë, aty ku Sali Berisha po vijon takimin e radhës me demokratët. Në fjalën e tij, Berisha tha se Kuvendi Kombëtar i PD do të mblidhet më 11 dhejtor, dhe se do të vendosen normat më demokratike kjo për të ngritur një opozitë fitimtare.

”Edi Rama festoi marrjen peng të pluralizimit. Ai mendoi se i lau duart me PD dhe se tani do të mund të vendoste çdo gjë në këtë vend, pasi regjistroi rekordet më të zeza, shndërroi Shqipërinë në delen e zezë të Ballkanit dhe të Europës.

Ai nxori në treg kufijtë e Kosovës dhe jo më pak të Shqipërisë, Rama u gabua shumë rëndë sepse llogariti peng kryetarin dhe nuk ju llogariti ju, që nuk shiteni dhe nuk bliheni që nuk i nënshtroheni.

”Foltorja” është pa asnjë diskutim mrekullia më e madhe e viteve të fundit. Tashmë jeni ju në mbështetje të vlerave të lirisë. Garantoj se ne që çmontuam sistemin komunist ne do të çmontojmë narkoshtetin shqiptar”.