FOTO/ Java e Kulturës së Malit të Zi, kryeministri Edi Rama: Bëhuni pjesë e atmosferës festive

Nisi java e kulturës së Malit të Zi. Një javë e mbushur me aktivitete kulturore, filma me autor malazez, koncerte e festa, të cilat kanë si qëllim që qytetarët shqiptarë të prekin nga afër vlerat kulturore, artistike e jo vetëm të vendit fqinjë, Malit të zi.

Kryeministri Edi Rama duke postuar foto në rrjete sociale nga parada tradicionale “Mažoretknija”, fton qytetarët të njihen me kalendarin e aktiviteteve të javës kulturore të Malit të Zi, me qëllim që të shijojnë atmosferën festive.

“Shqipëria mikpret Malin e Zi. Ka nisur sot me paradën “Mažoretknija”, Java Kulturore e Malit të Zi, duke përcjellë atmosferën e festës. Shfletoni programin e kësaj jave për të ndjekur eventet në vijim”, shkruan kryeministri Edi Rama. Java e kulturës së Malit të Zi, nisi sot dhe përfundon më 14 korrik 2023.