FOTO/ Kuvend me miell, vezë dhe euro! PS karton të kuq Bashës

Grupi Berisha-Bardhi sot në oborrin e Parlamentit u panë me një skemë të re, miell në kokë punonjësve të Gardës, euro që fluturonin në sallën e seancës plenare dhe në fund, vezë makinës së ministrit Taulant Balla. Deputeti i PD-së së Rithemelimit, Dashnor Sula sot në Kuvend erdhi i veshur me logot e basteve sportive, me euro dhe dollarë. Pas seancës, ai tha se aksioni i opozitës do vazhdojë sepse gjithçka që kërkojnë të drejtat e tyre që ua garanton Kushtetuta. Po ashtu u shpreh se është pro grevës së urisë ndërsa tha se është nëse vdes, ia vlen për qytetarët.

26 deputetë të përjashtuar qëndruan në oborrin e parlamentit pasi kordoni i gardës ishte pozicionuar për të mos i lejuar që të hynin brenda. Në mungesë të tyre, stafetën e drejtuesit të revoltës brenda në sallë e mori Edi Paloka. Edi Paloka kërkoi fjalën si ish-grevist i urisë në vitin 1991 për t’i thënë Edi Ramës se do të ketë fatin bustit të diktatorit 20 shkurtin e 33 viteve e më parë. Lindita Nikolla kaloi në proces votimi pasi zhurmuesit u ndezën sërish në sallë. Në fund ai dogji edhe rregulloren e Kuvendit.

Në votim u hodh edhe amendamenti i Lulzim Bashës, i cili kërkon që Shqipëria t’i japë 50 milionë euro në vit ushtrisë së Kosovës. Por kartoni i kuq nga PS-ja nxori Bashën dhe e deputetët e tij nga Parlamenti, ndërsa jashtë e priste kori i Rithemelimit. Në xhepat e deputetëve demokratë qëndronin disa kokrra vezë të cilat kishin një objektiv të qartë se ndaj kujtdo të hidheshin.

Gazment Bardhi për të disatën herë u betua në radikalizimin e aksionit opozitar. “Kemi diskutuar në mbledhjen e grupit opsionet e mundshme të aksionit. Secili ka shprehu gatishmërinë për të shkuar në kat përshkallëzimi përfshirë ngujimin apo grevën e urisë”, tha Bardhi. Përsa i përket futjes së Lulzim Bashës në Kuvend që në orën 09:00, Bardhi tha se ndien keqardhje që i janë përgjigjur mesazhit të PS.

Pasi u quajt ”tradhtar, mercenar dhe i paburrë” nga Flamur Noka dhe deputetët e Rithemelimit në oborrin e Parlamentit këtë të enjte, Lulzim Basha doli në një konferencë për mediat. Ai tha se PD-ja e Sali Berishës mezi mbush rrugicat, dhe se duket qartë se ata kanë vendosur interesat personale mbi interesat e qytetarëve. Basha nënvizoi edhe se Partia Demokratike e drejtuar prej tij refuzon që t’i bashkohet këtij grupimi, për sa kohë që sipas tij, askush nuk ngjall besim të populli.