FOTO/ Rama: Argjipeshkvia e Durrësit e rilindur nga e para, i është rikthyer komunitetit besimtar katolik

Me foto, kryeministri Edi Rama ka treguar sesi është transferuar Argjipeshkvia e Durrësit, ku teksa thotë se është rilindur, thekson edhe se i është rikthyer komunitetit besimtar katolik. ”E ndërtuar në vitin 1905, kjo godinë ndodhet në kodrën e Delbnishtit, në Laç dhe në të kanë shërbyer priftërinj e patriotë të shquar si Dom Nikollë Kaçorri, Rafaelo D’Ambrozio dhe Prend Bardhi”,-shkruan Rama.

Postimi i plotë

E rilindur nga e para Argjipeshkvia e Durrësit, ky objekt me rëndësi monumentale dhe shpirtërore e vendosur në fshatin Delbnisht, tashmë falë restaurimit total, i është rikthyer komunitetit besimtar katolik.

Ish Argjipeshkvia e Delbnishtit është shpallur Monument Kulture, Kategoria II. E ndërtuar në vitin 1905, kjo godinë ndodhet në kodrën e Delbnishtit, në Laç dhe në të kanë shërbyer priftërinj e patriotë të shquar si Dom Nikollë Kaçorri, Rafaelo D’Ambrozio dhe Prend Bardhi.