FOTO/ Rama: Qendra e Artit, Kulturës dhe Inovacionit është një vlerë e shtuar artistike për Korçën
Qendra e re e Artit, Kulturës dhe Inovacionit, një projekt transformues për Korçën ka hapur dyert për artistët dhe artdashësit.
Kryeministri Edi Rama ka postuar foto nga kjo qendër e cila shërben njëkohësisht edhe si një qendër trajnimi e pune për të rinjtë e apasionuar pas teknologjisë së informacionit. Rama theksoi se bashkë me ringritjen e Orkestrës Simfonike, kjo qendër i shton edhe më shumë vlerat artistike qytetit.
Qendra e Kulturës dhe Inovacionit në Korçë, është një investimi i ri i bashkisë në bashkëpunim me FSHZH-në, që ka krijuar ambiente dinjitoze për artistët dhe artdashësit duke ofruar ambiente shumëfunksionale që shërbejnë si salla provash, ekspozitash dhe koncertesh. Kjo qendër konsiderohet një pol i kulturës dhe kreativitetit një hapësirë ku arti, kultura dhe inovacioni bashkohen për të frymëzuar dhe transformuar qytetin.
