Fotoalbum nga konferenca, Rama: Ditë e paharrueshme

Mëngjesin e kësaj të marte, Kryeministri Edi Rama e ka nisur me një fotoalbum të shkrepur në Bruksel ku shihet së bashku me krerët e BE si dhe liderë të tjerë të vendeve të ndryshme në botë, të cilët morën pjesë në konferencën e Donatorëve për Shqipërinë.

”Mirëmëngjes me fotoalbumin e një dite të paharrueshme shqiptare në zemër të europës”,-shkruan kryeministri Rama.

Shqipëria mblodhi nga Konferenca e Donatorëve që ishte organizuar për ndihma pas tërmetit të 26 nëntorit në vendin tonë, 1.15 miliardë euro që do të vijnë në formën e granteve, huave, e fondeve për projekte zhvillimi nga rreth 100 vende.