FOTOT/ E paralajmëroi zëdhënësi i Presidencës, “Opozita e re” nis pushimet

Ashtu siç e paralajmëroi një javë më parë menjëherë pas votimit të Kuvendit për shkarkimin e Presidentit Ilir Meta, zëdhënësi i Presidencës, Tedi Blushi, deputetët pseudo-opozitarë, pasi i shërbyen Edi Ramës me ngritjen e kartonëve në sallë, tashmë ata po nisen për pushime luksoze duke udhëtuar me chartera privatë.

Në fotot në fjalë shfaqen dy “opozitarët” e Ramës, Klajdi Qama, Ylli Shehu dhe Halit Valteri, që kandiduan në siglën e Partisë Socialiste për deputetë në Qarkun e Tiranës në zgjedhjet parlamentare të 25 prillit.

Fotot janë publikuar nga deputeti Halit Valteri në faqen e tij zyrtare në rrjetin social “Instagram”

Ja se çfarë paralajmëroi një javë më parë Zëdhënësi i Presidentit, Tedi Blushi

Zero shqetësim nga vendimi antikushtetues dhe qesharak i landfillit parlamentar monist, që do të hyjë si rast studimor në historinë botërore të parlamentarizmit, se si një Kuvend pa opozitë, që edhe pse është shkarkuar me votë nga populli, voton për shkarkimin e një institucioni tjetër!

Asnjë surprizë nga tregtari i kufijve të Shqipërisë dhe të Kosovës, partnerët dhe vasalët e oligarkëve, mafia e inceneratorëve, grabitësit e votave, parave dhe të pronave të shqiptarëve, përfshi edhe torollakët e dobishëm, që nuk bënë gjë tjetër sot, veçse plotësuan edhe hapin e fundit të krimit të rëndë zgjedhor të 25 prillit.

Të paktën veç pensionit të përjetshëm, i siguruat edhe për këtë vit një palë pushime qyl!

Bravo ju qoftë, që nuk dolët pa gjë nga kjo shëmti!

Presidenti i Republikës Sh.T.Z Ilir Meta është më i motivuar se kurrë për mbrojtjen e sovranitetit dhe integritetit të Shqipërisë nga çdo përpjekje e tradhëtarëve, bashkëpunëtorëve dhe tutorëve të tyre, që punojnë prej vitesh kundër vendit tonë, shqiptarëve dhe interesit kombëtar.

Një ftesë e sinqertë edhe për kolegët gazetarë: Merruni me gjëra serioze, zbardhjen, hetimin e plotë dhe dënimin e krimeve zgjedhore!