Fredi Beleri humb “betejën e fundit”, Gjykata e lartë e lë në burg

Gjykata e Lartë ka lënë në fuqi masën e sigurisë “arrest me burg” për Fredi Belerin, kryetarin e zgjedhur për bashkinë e Himarës, por jo të betuar. Vendimi u dha sot në dhomën e këshillimit nga gjyqtari Sandër Simoni.

Beleri, i cili akuzohet për shit-blerje votash kërkoi një masë më të butë sigurie se ajo e arrestit. Më herët Gjykatat e Posaçme, ajo e shkallës së parë dhe e Apelit kanë rrëzuar kërkesat e kryebashkiakut të zgjedhur më 14 maj teksa mbahej në paraburgim.