Frikë nga koronavirusi, anulohet seanca plenare në Kuvend

Anulohet seanca plenare e planifikuar për nesër në Kuvend, ndërkohë që do të vijohen në komisionet. Deputetët do të vijojnë angazhimin e tyre në Komisionet Parlamentare. Përmes një letre dërguar deputetëve, kreu i grupit parlamentar të PS-së, Taulant Balla, shkruan se ”Kuvendi i Shqipërisë nuk do të mblidhet në seancë plenare, në kuadër të masave të domosdoshme për situatën e emergjencës. Deputetët do të vijojnë angazhimin e tyre në komisione dhe në ndjekjen e situatës, duke respektuar masat e rrepta të përcaktuara nga MSH. Frikë jo, kujdes po. Masat shtrënguese do të vijojnë sipas planit dhe kontributi i çdo qytetari është esencial për përballimin me sa më pak pasoja të armikut të padukshëm që kërcënon shëndetin tonë e të njerëzve më të dashur rreth nesh. Të bashkuar, një shtet një familje”.