Frikë nga protesta, Rama përdor Covid-19 për të mbyllur Tiranën

Nisur nga deklaratat e forta të opozitës për protesta, kryeministri Edi Rama përmes një postimi në facebook, ka bërë me dije vendimet e reja në lidhje me situatën ndaj Covid-19. Kur Shqipëria është gati të rifillojë jetën, për zonat e kuqe, ku bën pjesë dhe Tirana, Rama thotë se hyrje-dalja është e ndaluar.

Postimi i plotë

Nga nesër për javën në vazhdim, në bazë të vendimit të Ministrisë së Shëndetësisë:

? FIERI KTHEHET NË ZONË E GJELBËR

? HIQET KREJTËSISHT FASHA ORARE E LËVIZJES NË ZONAT E GJELBËRTA

? FASHA ORARE E LËVIZJES NË ZONAT E KUQE ZGJATET DERI NË ORËN 21.00

? HIQEN NË TË GJITHË VENDIN AUTORIZIMET PËR LËVIZJEN E KËMBËSORËVE APO AUTOMJETEVE GJATË JAVËS – FUNDJAVA DO TË JETË PËRSËRI PA MAKINA

VAZHDON TË JETË E NDALUAR HYRJE – DALJA E AUTOMJETEVE NË ZONAT E KUQE

? QEVERIA DO TË NDRYSHOJË NESËR AKTIN NORMATIV PËR HEQJEN E NDALESËS SË STUDIOVE TV PËR TË FTUAR JO MË SHUMË SE NJË PERSON. DO TË MBETET VETËM KUSHTI QË TË FTUARIT TË VENDOSEN NË DISTANCË 2m NGA NJËRI-TJETRI.

Miq, me heqjen e të gjitha autorizimeve të lëvizjes, ekspozimi ndaj infeksionit rritet shumë dhe barra e çdo individi për të ruajtur veten e të tjerët gjithashtu. Ju lutem bëni më të mirën tuaj si deri tani dhe kujdes në mënyrën më të veçantë më të moshuarit e të sëmurët në familjet tuaja, të cilët duhet të vetëkufizojnë daljet maksimalisht. *Masa 14 ditore për të vetëkarantinuarit nuk ndryshon dhe shkelja e saj ndëshkohet nga ligji dhe Kodi Penal