Gafa e musketierve të reformes në Tonight, shkruan “lapsi”

Sonte në emisioni Tonight të Ilva Tares janë shfaqur 4 ekspertët kryesorë që kanë hartuar draftin e reformës në drejtësi. Nuk kishte oportunitet më të keq sesa zgjedhja që ata bënë për tu shfaqur për herë të parë gjatë në publik. Dolën dhe bënë debat me njëri- tjetrin. Ose më mirë plotësuan njëri- tjetrin. Autogol më të madh për një nismë që është shitur si një konsultim i madh me grupet e interesit dhe me publikun e interesuar nuk kishte.

Ndërkohë që në shtyp gëlojnë dyshimet, hamendësimet, pikëpyetjes se ç’qëllime ka dhe kujt i shërben kjo reformë, ekspertët, Kristaq Traja, Aurela Anastasi, Gent Ibrahimi dhe Sokol Sadushi zgjodhën të dalin në Tonight pa u përballur, pa pranuar pyetjet e skeptikëve dhe dyshuesve.

Ata e inaguruan betejën e tyre mediatike me përvojën e emisioneve më të këqia televizive, e atyre që zhvillohen pa palë dhe pa debate. Aq sa në vend që të daravisi mund ti ketë shtuar pikëpyetjet.