Gara për kreun e KQZ, dorëhiqet Elion Semanaj, mbeten 5 kandidatë

Komisioni i Ligjeve  ka nisur sot seancën dëgjimore për kreun e ri të KQZ-së. Në garën për Kreun e ri të KQZ-së janë 5 kandiatë, pasi Elion Semanaj është terhequr nga gara, ka bërë me dije Fatmir Xhafaj Kreu i Komisionit të Ligjeve.

Në garë kanë mbetur 5 kandidatë Denar Bina, Lefterije Luzi, Koli Bele, Anton Llesha dhe Rozeta Ivanova.

Seanca e Komisionit ka nisur me kandadatin Koli Bele i cili është pyetur nga përfaqësues të opozitës nëse bërë një donacion prej 100 mijë lekësh të reja për Partinë Socialiste. Bele e ka pranuar që vite më parë e ka bërë një donacion të tillë për Partinë Socialiste.

Ndërsa kandidati tjetër për këtë post Denar Bina është shprehur se nuk ka një platformë për të paraqitur përara Komisionit,  pasi nuk është politikan të bëjë premtime. Bina ka shtuar se i ka të qarta detyrat e Kreut të KQZ.

Aplikimet për kreun e KQZ-së kanë përfunduar më 30 shtator, ndërsa Luzi kandidon për një mandat të dytë.