Gara për kreun e PD, kandidati Sali Berisha nis fushatën këtë të dielë nga Lezha

Në garën për kryetar të PD-së janë Sali Berisha dhe Ibsen Elezi. Ish-kryeministri do të nisë zyrtarisht fushatën në bazë, për të kërkuar votën më 22 korrik me qëllim marrjen e drejtimit të Partisë Demokratike.

Pavarësisht deklaratave kundër tij dhe duke pasur përballë vetëm njërivalë, Ibsen Elezin, Berisha ka vendosur që fushatën ta nis nga qyteti i Lezhës. Takimi do të jetë të dielën.

“Ju njoftojmë se ditën e dielë, ora 17:00 në Qendren Kulturore të Fëmijëve Lezhë (Ish-Pallati i Pionierit), lideri historik i PD Shqiptare, Prof.Dr. Sali Berisha do të prezantojë para antarësisë së PD Lezhë, platformen e tij si kandidat për kryetar i Partisë Demokratike të Shqipërisë. Jeni të mirëpritur në këtë aktivitet”.