Gara për kryetarin e PD-së, Lulzim Basha dorëzon kandidaturën

Me rikthimin e tij në politikën aktive, Lulzim Basha kërkon të jetë sërish kryetar i PD-së. Ai ka depozituar kërkesën për t’u bërë pjesë e garës.

Depozitimi i kërkesës pranë Komisionit Zgjedhor të ngritur pranë PD që do të merret me organizimin e zgjedhjeve, erdhi pas mbledhjes së Këshillit Kombëtar të PD që u mbajt këtë të martë.

Zgjedhjet për kryetar të PD-së do të mbahen me 29 Korrik, ndërsa pritet që tashmë të nisë dhe fushata brenda partisë.

Në datat 24 qershor deri në 27 do të zhvillohet fushata elektorale për kreun e ri të partisë ndërsa data e zgjedhjeve është caktuar 29 korriku. Gjergj Hani ish-i përndjekur politik, ka qenë i pari që ka dorëzuar kandidaturën e tij në garën për kryetar.

Kandidaturat për kreun e PD-së do të filtrohen dhe miratohen nga Kryesia e më pas do të zyrtarizohen.