Gara për Tiranën, Basha në 14:00 mbledh deputetët. Pritet zyrtarizimi i Halim Kosovës

Partia Demokratike pritet të zyrtarizojë sot kandidaturën për kryetar të bashkisë së Tiranës. Duket se është e sigurt se do të jetë mjeku dhe deputeti i PD, Halim Kosova guri i shahut me të cilën PD do të nisë betejën për të rifituar Tiranën.

Ndërkohë në orën 14:00 Basha do të ketë dhe një takim me deputetët e qarkut të Tiranës.

Me shumë gjasa zyrtarizimi i kandidaturës do të bëhet sot dhe nga kampi socialist, por kjo  e fundit zyrtarisht ende nuk është konfirmuar.

Dy kandidaturat më të përfolura nga kampi rozë janë Erjon Veliaj dhe Blendi Klosi.

Ndërkaq të dyja partitë e mëdha kanë ende cështje të pambyllura me aleatët e tyre.

PD nuk ka gjetur akoma gjuhën e përbashkët me PD, ndërsa në kampin tjetër pritet që Rama në orën 16 00 të takojë aleatët për të firmosur marrëveshjen parazgjedhore. Ende nuk ka një marrëveshje me PDS e Milos dhe as me FRD e Bamir Topit. Me interes pritet qëndrimi i PBDNJ së Vangjel Dules, që ka njoftuar një konferencë për mediat në orën 9: 40, ku pritet të deklarohet qëndrimi që kjo forcë politike do të mbajë kur dihet se një ditë më parë PS vendosi të rikandidojë për Himarën, Gjergji Goron.