Gara për Tiranën, Halim Kosova takim me të rinjtë e njësisë nr 5

Kandidati demokrat për Bashkinë e Tiranës, Halim Kosova, vijon turin e takimeve parazgjedhore në kryeqytet.Mëngjesin e kësaj të shtune, i shoqëruar edhe nga kreu aktual i Bashkisë, njëherësh dhe kryetar i Partisë Demokratike Lulzim Basha ka zhvilluar një takim me të rinjtë e njësisë numër 5 në Tiranë.

“Rinia është zemra e Partisë Demokratike. Me të rinjtë e njesisë numër pesë për fitoren e ‪#‎HalimKosoves‬ dhe për ‪#‎punedhedinjitet‬” shkruan Basha në fb.

Një ditë më parë, Kosova zhvilloi një takim me një grup grash kryefamiljare, ku u njoh nga afër me problemet ekonomike të tyre. Kosova, apeloi që të gjithë të kthejnë sytë nga kjo kategori në nevojë.

“Unë vërtet po largohem nga kjo qendër por gjithë ditën do më ngelë në mëndje çfarë dëgjova nga këto gra. Më bëri shumë mirë të orientohem se çfar heq një pjesë e popullatës. Anën shëndetësore të këtyre grave tashmë e kanë të zgjidhur, por le të shohim cfarë të bëjmë më shumë. Duhet të kthejnë sytë nga këto”tha ai.