Gaz Bardhi: Heqim dorë nga protestat në parlament

Kryetari i Grupit Parlamentar të PD, Gazment Bardhi, tha se opozita do të ndërpresë opozitat në Kuvend përderisa socialistët e Edi Ramës pranuan ngritjen e dy prej Komisioneve Hetimore, atë për shëndetësinë dhe sistemin TIMS.

Në emisionin “Open”, Bardhi tha se protestat e opozitës në Parlament përfundojnë pasi shkaku për të cilën nisën tanimë ka rënë.

“Kjo i shërben funksionimit normal të Kuvendit. Ne kemi shpallur një motiv për të cilin kemi hyrë në këtë aksion në këtë Kuvend.

Sigurisht, Kuvendi ka deputetë me vota të vjedhura, ky është diskutim tjetër. Ne kemi marrë një vendim për të mos lejuar normalitet në Kuvend bazuar në një vendim të mazhorancës për ato tre çështje që përmenda sa kohë na u rrëzua komisioni i Shëndetësisë dhe TIMS-t dhe nuk na lejohet të përfaqësohemi në Komisionin e Reformës Zgjedhore.

E kam bërë të qartë edhe në përgjigje të apelit ndërkombëtar, që nxiste dialogun politik, që po jam i gatshëm të ulem për të dialoguar në institucione.

Ne po heqim dorë nga protesta në Parlament, sepse shkaku po bie. Pra janë 3 vendime të 12 tetorit. Nuk e quaj as fitore dhe as humbje”, tha Bardhi.