Gaz Bardhi: Paguajnë më shumë se oligarkët! Çojmë në Kushtetuese ligjin për profesionet e lira

Kreu i Grupit Parlamentar të PD-së Gazment Bardhi, në një deklaratë për mediat, tha se Partia Demokratike do të dërgojë në Gjykatën Kushtetuese ligjin për taksimin e profesioneve të lira. Bardhi tha se me ligj profesionet e lira tatohen më shumë edhe se oligarkët.

“Jam këtu për t’ju thënë se do ta çojmë në Gjykatën Kushtetuese, ligjin për taksimin e profesioneve të lira. Profesionistët e lirë sot taksohen më tepër edhe se oligarkët e kjo nuk mund të jetë normale. Një thirrje kam edhe për presidentin Bajram Begaj, që të mos e dekretojë ligjin për zonat e mbrojtura, të mos bëhet me maxhorancën, por të jetë me qytetarët“, tha Bardhi.