Gent Cakaj: Po lehtësojmë ngarkesën në kufi

Ministri në detyrë për Evropën dhe Punët e Jashtme, Gent Cakaj, ka zhvilluar një bisedë telefonike me ministrin e jashtëm alternat të Greqisë, Miltiadhis Varvitsiotis.

Përmes një postimi në Twitter, Cakaj bën me dije se kanë diskutuar për lehtësimin e kalimit kufitar në Kakavijë.

“Duke respektuar të gjitha masat dhe forcimin e grupeve që punojnë në kufi, ne jemi duke ndjekur vazhdimisht situatën për të lehtësuar ngarkesën në kufi”, shprehet ai.

Ministria e Jashtme e Shqipërisë sqaron se “si pasojë e shtimit të rasteve me koronavirus në Shqipëri dhe Greqi, autoritetet greke kanë vendosur që të zhvillojnë testime masive për udhëtarët që kalojnë kufirin. MEPJ deklaroi më herët se është në bisedime për të zgjatur orarin e punës në pikat kufitare, në mënyrë që qytetarët të mund të kalojnë edhe në orë e vona të natës. Nga ana tjetër, Ministria e Shëndetësisë dhe Ministria e Mbrojtjes kanë vendosur në dispozicion të qytetarëve të bllokuar në radhë disa ekipe mjekësore dhe autoambulanca, si dhe shërbime higjienosanitare”.

Lexoni edhe…

• Presidenti Meta: Thellësisht i shqetësuar për situatën ku ndodhen qytetarët shqiptarë
• Policia në ndihmë të qytetarëve, që po qëndrojnë në radhë me orë të gjata pritjeje
• Ish-deputeti Vangjel Tavo: Skandaloz reagimi i dy ministrave të rilindjes
• Paloka: Mijëra emigrantë të bllokuar në kufi, Rama vazhdon pushimet mes luksit
• Radhët në Kakavijë. Lleshaj: Qytetarët të informohen para se të nisen për udhëtim
• Situata në Kakavijë, Biberaj: E turpshme kjo që po ndodh! Jemi pa qeveri dhe pa ministri te jashtme
• Dëshmitë nga Kakavija: Turp për këtë qeveri! Kemi ecur 10 km në këmbë, kemi gjithë natën këtu
• Ministria greke: Pranojmë vetëm teste të ISHP-së dhe në gjuhën helene