Gjekmarkaj: Në PD-në e kontrolluar nga Berisha nuk flitet pa leje. Grupi i tij i fryn zjarrit të ndasisë

Nënkryetari i Kuvendit, deputeti demokrat Agron Gjekmarkaj thekson se për të në PD-në e Berishës, nuk flitet pa leje. Sipas tij, sapo grupi i Alibeajt ofroi një mundësi të sinqertë për të biseduar mbi mënyrën e bashkëpunimit për të mundur Edi Ramën në zgjedhjet lokale, kolegët e grupit të Berishës, vrapuan t’i fryjnë zjarrit të ndasisë, flakët e së cilit djegin të ardhmen e demokratëve.

Postimi i plotë

Në PD-në e kontrolluar nga Sali Berisha, në të hershmen dhe në të renë nuk flitet pa leje.

Dje dhe sot, kolegë dhe zëra nga pjesa tjetër, sapo grupi parlamentar i PD-së ofroi një mundësi të sinqertë për të biseduar mbi mënyrën e bashkëpunimit për të mundur Edi Ramën në zgjedhjet lokale, vrapuan t’i fryjnë zjarrit të ndasisë, flakët e së cilit djegin të ardhmen e demokratëve.

Këto duhet të ndalen në interes të qytetarëve. Nëse nuk kanë ndonjë fjalë pozitive, konstruktive, bashkëpunuese për të thënë, kjo është koha për të heshtur.