Gjergj Bojaxhi: Do anuloj lejet për për ndërtimin e pallateve te Liqeni

Kandidati i pavarur për Bashkinë e Tiranës, Gjergj Bojaxhi, ka zhvilluar mbrëmë një bashkëbisedim nëpërmjet Youtube, me qytetarët e interesuar për programin e tij.

Bojaxhi është pyëtur për ndërtimet e shumta në Tiranë dhe ka thënë se nëse zgjidhet kryebashkiak, ai do të anulojë lejet e papërshtatshme të ndërtimit.

Duke nisur nga pallatet tek Liqeni Artificial.

“Unë nuk kam heshur kurrë për këto çështje. Edhe kur kam qenë anëtar i Këshillit Bashkiak e kam kundërshtuar ndërtimin e pallatit që sot është mbi digën e liqenit dhe të njejtën gjë do të bëj edhe për ndërtimet poshtë tij.

Do të ndjek të gjitha proceset që të anulohen lejet e dhëna, duke marrë parasysh të gjitha rreziqet që ato pallate sjellin për banorët që jetojnë poshtë digës së liqenit”, ka thënë Bojaxhi.

Ai ndërkohë ka thënë se ideja e Lulzim Bashës për një tram në Tiranë, nuk është zgjidhja më e mirë për kryeqytetin.

Kjo, edhe për shkak të kostos së ndërtimit të tij./