Gjergj Bojaxhiu, çadër elektorale tek Kodrat e Liqenit Artificial

Gjergj Bojaxhiu vazhdon mbledhjen e firmave dhe mbështetjen që kërkon nga qytetarët. Paraditen e sotme, u ngrit çadra e dytë elektorale e kandidatit të pavarur. Ajo gjendej në hyrjen e kodrave të Liqenit, duke iu shtuar një tjetër çadre që është vendosur te libri universitar.E ka publikuar foton në rrjetet sociale vetë kandidati i pavarur për kryetar Bashkie Gjergj Bojaxhiu, i cili në fakt, ka falenderuar edhe qytetarët e shumtë në numër, që ndalojnë, marrin informacione dhe kryejnë gjithë procedurën e regjistrimit të firmës.

“Përshëndetje, Ju uroj të gjithëve një të dielë të mbarë. Dëshiroj t’ju informoj se po vazhdojmë mbledhjen e firmave. Sot jemi me një stendë në trotuarin para Librit Universitar dhe një tjetër tek fillimi i digës së Liqenit.

Ju jemi mirënjohës për mbështetjen e përkrahjen tuaj të vazhdueshme. ‪#‎NeTirana” shkruan Gjergj Bojaxhiu në profilin e tij në rrjetet sociale. Dhe duket, se për të, fushata është intesifikuar.