Gjermania “shuplakë” Greqisë: S’ka shtyrje borxhi!

Greqia merr një "dush" me ujë të ftohtë nga Gjermania, pasi kjo e fundit e ka refuzuar kërkesën për zgjatjen e marrëveshjes së kredisë edhe për gjashtë muaj të tjerë. Mëngjesin e sotëm Athina ka zyrtarizuar kërkesën e saj, duke kërkuar 6 muaj kohë sa që vendi të marrë frymë dhe të negociojë me partnerë të tjerë në eurozonë për një zgjidhje më afatgjatë. Por duke folur për agjencinë gjermane të lajmeve DPA, zëdhënësi i ministrit gjerman të Financave u shpreh: “Letra e Athinës nuk ka asnjë propozim për një zgjidhje thelbësore. Nuk i plotëson kriteret e përcaktuara nga Eurogrupi të hënën”