Gjiknuri: Ish-kryeministër depresiv!

“Ish-kryeministri haluçinant shpif sërish dhe hedh baltë pas tastierës së kompiuterit ku kthen në tekst ëndrrat që ja tregon vetes në versionin e qytetarëve dixhital.

Ankandet e shitjes së naftës bruto nga Albpetrol, për të cilat shpif paturpësisht ish-Kryeministri, i përkasin kohës kur kompania drejtohej dhe administrohej nga qeveria e tij.

Ato ankande janë zhvilluar nga administrata e kaluar, para Tetorit 2013 dhe Albpetrol sh.a ka pasur detyrimin ligjor të zbatimit të kontratave, të cilat janë ekzekutuar gjatë periudhës Janar 2013 – Dhjetor 2014”, shkruan Gjiknuri.