Gjosha: Taksa e sheshtë 9% u vjen në ndihmë biznesit dhe gjithë shtresës së mesme

Kandidatja e Lëvizjes Socialiste për Integrim për deputete në Qarkun e Tiranës, Klajda Gjosha së bashku me kandidatin Klevi Pojana, në kuadër të fushatës elektorale për zgjedhjet parlamentare të 25 prillit, kanë shpërndarë sot programin e LSI-së në Njësinë 8.

Krahas fotove të publikuara në rrjetet sociale gjatë aktivitetit, Gjosha shprehet në mesazhin e saj se LSI-ja ka prioritet të saj taksimin e sheshtë 9%, i cili thotë ajo, i vjen në ndihmë biznesit dhe gjithë shtresës së mesme e cila është ajo që sot punon më shumë dhe paguan më shumë.

“Sot në Njësinë 8 të Tiranë me Klevi Pojana dhe Erjon Xhafa për ti informuar qytetarët mbi programin e LSI-së. Taksat e larta janë shqetësimi më i madh i qytetarëve dhe bizneseve. LSI-ja ka prioritet të saj taksimin e sheshtë 9% i cili i vjen në ndihmë biznesit dhe gjithë shtresës së mesme e cila është ajo që sot punon më shumë dhe paguan më shumë”, shprehet Klajda Gjosha.