Gledis Nano, kandidati kryesor për të qenë drejtori i Policisë. Ka marrë çmim edhe nga SHBA-ja

Një drejtor ikën, por vendi duhet plotësuar. Ardi Veliu ka dhënë dorëheqjen nga posti i drejtorit të Policisë së Shtetit. Përmes një letre, ai thotë se kishte vendosur të mos kërkonte një mandat të dytë, por t’i përkushtohej më shumë familjes.

Gledis Nano i cili aktualisht mban postin e drejtorit të Anti-Terrorizmit në Policinë e Shtetit, është emri më potencial për të marrë këtë detyrë të rëndësishme.

Nano ka qenë një prej zyrtarëve të Policisë së Shtetit më të përfshirë në çështjen e riatdhesimit të familjarëve të luftëtarëve shqiptarë të ISIS, të mbetur në Siri. Në muajin gusht të këtij viti, ai po ashtu u vlerësua edhe nga ambasadorja amerikane Yuri Kim me një çmim.