Greqia drejt njohjes së Kosovës?

Greqia nuk e njeh Kosovën si shtet, por ministrja e Jashtme e Kosovës mësohet se së shpejti pritet ta vizitojë këtë shtet. Në një përgjigje me shkrim nga kjo ministri, thuhet se Donika Gërvalla ka pranuar ftesën nga Greqia dhe se e njëjta pritet të ndodh shumë shpejt.

Dushan Janjic nga Forumi për Marrëdhëniet Etnike ka deklaruar dje për një medium serb se “Greqia po shkon drejt njohjes së Kosovës”.

“Hapja e Zyrës së Kosovës në Greqi është rezultat i drejtpërdrejtë i Trump dhe një rezultat indirekt i Marrëveshjes së Uashingtonit, kështu që nuk ka asnjë befasi, Greqia po shkon drejt njohjes së Kosovës”, deklaroi Janjic.